ပြုပြင်ထားသော အစားအစာ (Processed Food) ဆိုသည်မှာ သဘာဝအတိုင်းမဟုတ်သော စားစရာများ ဖြစ်ပါသည်။ ရိုးရှင်းစွာ တွေးကြည့်မည်ဆိုလျှင်ပင် ဤအစားအစာများထဲတွင် တာရှည်ခံအောင် ထည့်သွင်းထားသော ဓာတုပစ္စည်းများနှင့် အရသာပိုကောင်းအောင် ပြုပြင်ဖန်တီးထားမှုများ ပါဝင်နေမည်မှာ သိသာလှပါသည်။ စားကောင်းသည့် အရသာများ၏ ဆွဲဆောင်မှုကြောင့် တစ်ခါတစ်ရံ စားသုံးရာမှတစ်ဆင့် အမြဲလိုလို စွဲလမ်းစားသုံးမိတတ်ကြပါသည်။
ပြုပြင်ထားသော အစားအစာ ဆိုသည်မှာ အဘယ်နည်း
သဘာဝအတိုင်း ရရှိသည့် အစားအစာများကို တာရှည်ခံရန်၊ အရသာပိုကောင်းရန် သို့မဟုတ် စားရလွယ်ကူစေရန် ဓာတုပစ္စည်းများ၊ ဆား၊ သကြားနှင့် ဆီများ ထည့်သွင်းကာ နည်းပညာမျိုးစုံဖြင့် ပြောင်းလဲဖန်တီးထားသော အစားအစာများကို ဆိုလိုပါသည်။ (ဥပမာအားဖြင့် – အသင့်စား ခေါက်ဆွဲခြောက်၊ အာလူးကြော်၊ ဝက်အူချောင်း၊ စည်သွပ်ဘူးများနှင့် အချိုရည်များ ပါဝင်ပါသည်။)
ဘာကြောင့် လျှော့စားသင့်သနည်း
- ရောဂါဖြစ်နိုင်ခြေ များပြားခြင်း – ပြုပြင်ထားသော အစားအစာများတွင် ဆားနှင့် သကြားဓာတ် လွန်ကဲစွာ ပါဝင်သောကြောင့် ရေရှည်တွင် သွေးတိုး၊ ဆီးချို၊ နှလုံးရောဂါနှင့် အဝလွန်ခြင်းပြဿနာများကို ဖြစ်စေနိုင်ပါသည်။
- အစာခြေစနစ်ကို ထိခိုက်စေခြင်း – ဤအစားအစာများတွင် သဘာဝ အမျှင်ဓာတ် (Fiber) ပါဝင်မှု နည်းပါးသောကြောင့် အူလမ်းကြောင်း အလုပ်လုပ်ပုံကို နှောင့်နှေးစေပြီး ဝမ်းချုပ်ခြင်း၊ အစာမကြေခြင်းတို့ကို ဖြစ်တတ်ပါသည်။
- ပိုမို ဆာလောင်စေခြင်း – ပြုပြင်ထားသော အစားအစာများသည် ခေတ္တခဏမျှသာ ဗိုက်ပြည့်စေပြီး လူကို အလွယ်တကူ ပင်ပန်းနွမ်းနယ်စေကာ ပို၍လည်း ဆာလောင်လာစေပါသည်။
ပြုပြင်ထားသော အစားအစာများကြောင့် ဖြစ်ပွားနိုင်သည့် ရောဂါများ
အချို၊ အငန် လွန်ကဲလွန်းသည့် ပြုပြင်ထားသော အစားအစာများကြောင့် ခန္ဓာကိုယ်တွင် အောက်ပါရောဂါဝေဒနာများကို ခံစားရနိုင်ပါသည်-
- အဝလွန်ခြင်း
- ဆီးချိုရောဂါ
- သွေးတိုးရောဂါ
- နှလုံးနှင့် သွေးကြောဆိုင်ရာ ရောဂါများ
- လေဖြတ်ခြင်း
- ကင်ဆာရောဂါ
- စိတ်ဓာတ်ကျခြင်း
အနှစ်ချုပ်
ရေရှည်ကျန်းမာကြံ့ခိုင်သော ဘဝကို ပိုင်ဆိုင်နိုင်ရန်အတွက် ပြုပြင်ထားသော အစားအစာများကို ယနေ့မှစ၍ သတိပြုလျှော့စားကြပါရန် တိုက်တွန်းလိုက်ရပါသည်။
သတိပေးချက်: ဤဘလော့ဂ်သည် Grace Win ၏ ပြည်သူ့ကျန်းမာရေး အသိပညာပေး အစီအစဉ်တစ်ခု ဖြစ်ပါသည်။ ဖော်ပြထားသော အကြောင်းအရာများသည် ပညာပေး ရည်ရွယ်ချက်အတွက်သာ ဖြစ်ပြီး ဆေးဘက်ဆိုင်ရာ အကြံပြုချက်၊ ရောဂါရှာဖွေခြင်း သို့မဟုတ် ကုသမှုကို အစားထိုးရန် မရည်ရွယ်ပါ။ ကျန်းမာရေးဆိုင်ရာ ပြဿနာများအတွက် ကျွမ်းကျင်သော ကျန်းမာရေးစောင့်ရှောက်မှု ပညာရှင်နှင့် တိုင်ပင်ဆွေးနွေးပါ။